[Don Pedro]

*
مرحبا


تخيلوا المنتدى هذا بعد عشرين سنة ....


اسرحوا معايا كده شوية بخيالكم واتخيلوا ..اننا كبرنا

....وعجزنا


وجاء اولادنا ومسكوا هذا المنتدى ......كيف حايكونوا



اتخيلوا كده كيف حاتكون اشكالهم وايش حايكتبوا من مواضيع



هل اولاد الجاسوس ..حايكونوا كده لهم خفة ابوهم ..وتواجده الجميل



ياترى اولاد ارامكس ..حايجبوا لنا اجوبة عجيبة ولطيفة لكل

سؤال ...وياترى هل حايكتبوا ..( ويجعله عامر باذن الله )



هل ابناء مووني موون. ومس ساهو .حايكونوا كده نشيطين في المنتدى ..ومتفاعلين مع الكل



اولاد جسر التواصل وغربة وشجن ...هل حايكونوا كده خفاف ولطاف ..وبتاع مشاعر وحب واحاسيس وعواطف ..وكل يوم يكتبوا لنا شوية خواطر حلوة



اولاد بيغ تشايلد ..حايجوا هنا بكاميراتهم ...ويحطوا لنا صور.حلوة ..ومواضيع كلها صور اشياء عجيبة وغريبة




اولاد ( فلان )..واولاد ( فلانة )..هل حايكونوا برضوا عندهم نفس ثقل الدم ..والغتاتة ...اللي كان عند اباءهم




امممم الاعضاء كثر ....والناس كثيرة ....عيشوا كده ....وشوفوا واتخيلو واكتبوا
بقية الاعضاء كيف حايكون ابنائهم وعيالهم هنا في المنتدى

[B!G ChilD]

هههههههههههههههه

يا سلام عليك يا بيدرو .. عيشتنا اجواء الابوبة ..

اما عيالي ان شاءالله راح يجوا بكاميراتهم الخاصة مو زي ابوهم .. بمواقعه الخاص مالت عليه .. لووول

و عقبال ما نشوف مجموعة محللين رياضين بيدروين ينشطوا قسم البساط الاخضر بتغطية كاملة لكل الدوريات الاوروبية و كاس العالم و غيرها

ولا عيال شـــوق
تلاقيهم محتكرين قسم بوح المشاعر مع عيال بعد اخر و العم شتات

و عيال مس تاتو تغطية كاملة لقسم البانوراما

اما عيال موني و مس ساهو .. راح يكونوا فريق تطوير المنتدى
..

حبيبي بيدرو .. خليتنا نفلت
تسلم عالموضوع الخيالي

تحياتي لك

[الدلع طبعي]

هههه
انأ اتوقع ان ماحد ‏
رح ‏
يدخل ‏
منتديا‏ت‏↳‏
اذا الحين الناس طايحين ع الفيس بوك‏↳‏
وغيره اجل كيف بعد عشرين سنه

[غربه وشجن]

:::::::::::::

صباح اطفال المنتدى يا مان

أما عيالنا في المنتدى..

والله يا بي كوووووووووول.. الزمن داك إذا الله حيانا المنتديات دي حتكون دقة قديمة..

يعني بالعربي كدة..

الجيل الجديد الي يجي بعدنا ان شاء الله راح يتحرر من عقدة التخفي وراء الاسماء المستعارة

وحيكونوا بالصورة الحية عبر الوسائط االرقمية.. وكما 3D هههههههههه

فالبتالي المنتديات بشكلها الحالي..ما راح تناسب مزاجهم ..

عيالي انا..اهم شيء.. إن شاء الله ما راح يكونوا عايشين في غربة ولا بيعانوا من شجن

حيكونوا متواصليين مع العالم من جبال (ماي قندي) بضواحي صنعفي

ولو العيال فيها الخير... يمكن يستضيفونا في منتدياتهم الرقمية عشان نحكي عن التاريخ.. للتدوين والتوثيق وكدة

كدة كفايا يا دوووووووون عشان ما نشطح بيكم كتير ونكب احلامنا كلها

شكرا على اللطافة والظرافة يا زول يا قيافة

[شـــوق]

دون بيدروو ماشالله
ايش هالروقااان وهالمواضيع الحلوه


اولا المنتدى رح يكون مرئي ومسموع وعلى درجه عاليه من التطور مش كتابي زي حالتنا
والأطفال بيكونوا كمان متطورين ومثقفين جدا


ثانيا
اعتقد اطفالي - بعد عمري حبايب قلبي فديتهم - رح يكونوا مبدعيييين و موجودين في كل قسم من اقسام فيوري لأن كل طفل فيهم بيكون له ميوله وقسمه الخاص المحبب لقلبه
اللي في بوح المشاعر الي في رياض الإسلام اللي في البساط الأخضر
اللي بتكون في عالم المرأه اللي له في النقاشات
وكمان بنفس الوقت رح يكونوا ماخذين مني حب التنوع وحب الإستطلاع ومحاولة الإبحار في كل الأقسام اللي في المنتدى
عشان كذا بتلاقهم ناطين لعيالك في كل قسم ههههههههه


اطفالك يا دون احس بيكونو على قدر كبير من الثقافه فيهم اللي بيكون روائي وبتاع قصص بوليسيه
فيهم اللي بيكون مؤرخ في المنتدى يحكي عن التاريخ

اطفال عشووووووووقه مايبيبلها بيكونوا اصحاب المنتدى وارثينه من امهم وبيكونوا ليومك هذاك يقهرون عيال الأعداء والحساااد

اطفال بيق تشايلد احسهم بيكونوا لطااف كوول رايقين وايزي قوينق مره


اطفال موني مووووون شعنونيييييين مرره اشقياااااااااااء ومشجعين لأسبانيا ممككن نشوفهم مسوين صرعات في اشكالهم

اطفال فالنتينو بيكونوا صياع المنتدى ههههههههه

اطفال ابو يعقوووب كلهم كلجات واكشناتهم ما تخلص بس طيوبييييييييين واحسهم وما بيكون لهم في الصرعاااات

اطفال اريتريه وافتخر كتاااب من الطراز الرفيع وبنوتات شيك وكلاااس بس شقاااااااااااوه بنفس الوقت


اطفال جسر التواصل بيكونوا اصحاب شخصيه على ان عمرهم صغير بس رح يكون عقلهم كبير وملابسهم اكبر من عمرهم يعني قمايص وبنطلونات

اطفال غربه وشجن نفس ملابس عيال جسر التواصل بس عاد القمايص بره لأنه لسه باقي فيهم اثر تربية ابوهم في السودان
هههههههههه بيكون فيهم عاطفه جياشه بس بيحبو يتناقروا مع عيال جسر التواصل

اطفال حنين هذول حسبة عيالي فديتهم
احسهم بيكونوا متمردين في بروود عندهم مواهب رائعه وطاقة تحمل بس بنفس الوقت احيااان مفهين


عمو شتات عياله بيكونوا زيه طيبه واخلاق وسمووموهبه فذه واحسهم بيكونوا محط احترام وتقدير في المنتدى لأن شتات ابوهم قبل اي شيء اخر




كفايه كذا الباقي بعديــــــــــن

[غربه وشجن]

اقتباس: المشاركة الأصلية كتبت بواسطة شـــوق    اطفال غربه وشجن نفس ملابس عيال جسر التواصل بس عاد القمايص بره لأنه لسه باقي فيهم اثر تربية ابوهم في السودان هههههههههه بيكون فيهم عاطفه جياشه بس بيحبو يتناقروا مع عيال جسر التواصل

هع هع هع

شوق .. داه انتي اشتغلتيني بالبارد..

كدة برضو يا شوق.. وانا الي حاولت جاهدا اكون الهيرو..

آخر جزائي..عيالي قمايصهم بره..ههههههههههه.. ومتى..بعد 20 سنة..

لا ان شاء الله راح يكونوا زي باباهم هندمة وآخر شياكة وكلهم إيتاليان اوت فيت

لوووووول

جمعتك طيبة..

[شـــوق]

ههههههههههه
غربه وشجن لا تزعل هذي خيلات وموضوع طريف وانا عندي هالخيال مربوط مع اي شخص من تربية السودان

بس ولا تزعل انا مو قصدي انهم ما بيكونوا انيقين وان شالله بيطلعون هندمه وجنتله ووسامه زي ابوهم

[ابو يعقوب]

والله موضوع حلو ويخلي عندك خيال

انا حاسس ان المنتدى بيستمر وبيكون اولاد اولادنا موجودين فيه


بس التخيل مرة ثانية بس لما ارجع واكون ممخمخ

[ابو يعقوب]

اقتباس: اطفال ابو يعقوووب كلهم كلجات واكشناتهم ما تخلص بس طيوبييييييييين واحسهم وما بيكون لهم في الصرعاااات

ولله ما ادري يا شوق اختي

انا حاسس اولادي بيكونو عكسي تماما

[كذابه بس جذابه]

عيالي محسوبين ؟؟

[مس ساهو]

وي عيالي حبايبي الله يخليهم ان شاءالله ويحفظهم من عين الحساد

انا متاكده بيطلعو نوابغ دام انا امهم لوووووول بيطلعو عكسي تماما ماعندهم اغلاط املائيه

يكتبو مواضيع حلوه ومرتبه احلى من حقت غربه وافكارهم حلوه اكتر منك يابي كول وكل يوم يسوه

اكشنات واكيد بيطلعو شوعار احسن برضو من شتات وممكن يكتو مواضيع فيه

بس تتخيلو عيال عاشقه بيكونو ماسكين المنتدى حق امنا بيقولو ويجننو عيالي ؟ههههههههههه وربي
اوريهم الا عيالى محد يمسكم

بس منجد الجيل الجاي كيف بيكون الله يستر ويعطينا الذريه الصالحه يارب

عاد بيكون العالم اتطور امكن مايكون في لاب توبات يخترعوا اشياء تانيه وممكن العالم تتواصل من بيوتها مع بعض من غير شي وممككن الارواح تتلاقي >>متاثره بالافلام الامريكه

بس اتوقع تطور مش طبيعي حيسير

[ارامكس]

يا سلام عليك يا دون الصراحة حاجة حلوة جداً جداً ان الواحد يتخيل بعد عشرين سنة

كيف راح يكون المنتدى واولاد الاعضاء - بس قلي الاول - ليه ما جبت سيرة اولادك في الاول

دونات صغيرين ههههههههه يطلعو على شكل ابوهم دون بيدرو الكبير - دول ح يكونوا فطاحل في

التحضير للمنتدى يجلسوا مع بعض ويخططوا ويصمموا - ويجيبوا حاجات كده ممتعة - يااااااه

اما من ناحيتي فارجوا ان تكون هناك - ارامكسية مش ارامكس - لازم تكون بنت

تجيب حاجات من ويجعله عامر وخلافه - يلا نشوف الي يعيش كثير يشوف كثير

وربنا كريم - ويجعله عامر

[جسر التواصل]

اقتباس: اولاد جسر التواصل وغربة وشجن ...هل حايكونوا كده خفاف ولطاف ..وبتاع مشاعر وحب واحاسيس وعواطف ..وكل يوم يكتبوا لنا شوية خواطر حلوة

اول شي يا دون أنا خال غربة وشجن يعني اولادي اكبر من اولاد غربة وشجن هع


وربي انت اللي فيهم ياخي كلهم اجمعوا بأني طاعن في الســـن و اولهم شتات لكن لما اتقابلنا غير رأيه هع هع هع

و في زووول تاني كنت مفكره شباب بسني وهو كان يفكرني بقده ولما اتقابلنا انصدمت
لقيته اكبر مني وهو نفس الكلام لقيني اصغر منه


وانت اولادك على فكره راح يطوروا من اكلت المعصوب

ويخلوها بالابر و في الحلاويات والقمبري هع هع

اقتباس: اطفال جسر التواصل بيكونوا اصحاب شخصيه على ان عمرهم صغير بس رح يكون عقلهم كبير وملابسهم اكبر من عمرهم يعني قمايص وبنطلونات اطفال غربه وشجن نفس ملابس عيال جسر التواصل بس عاد القمايص بره لأنه لسه باقي فيهم اثر تربية ابوهم في السودان هههههههههه بيكون فيهم عاطفه جياشه بس بيحبو يتناقروا مع عيال جسر التواصل

شــوق حسستيني إني من طبقة العمال الكادحيـــن

انا زووول شاب في مبكرة العشرين و أمووووور وجنتل وعلى قولت السودانيين جنززة

و صدقيني عيالي راح امشيهم بالحديد اللي يطلع منهم غبي راح ارميه من فوق برج الفيصلية

واللي يطلع شين زي غربة وشجن راح احط في جيبه مخدرات وابلغ عنه الشرطة

و عيال غربة وشجن راح يلبسوا توب وجبا (جكيت) ويلفوا عمامه في راسهم ويتكوا في قهوة غليل

كوحلين هع هع هع

بس ها أنا احس ان بناتك يطلعوا افضل مصممات للازياء و راح يسووا جنزات وتي شرتات من

لبس عبدالله كاني هع هع هع و راح يكتبوا عن الثورة االارترية

[ماااكس]

يسعد لي مساكم صباحكم
الله يطول في أعامركم وتشوفو عيال عيالكم كمان
الزمن بتغير مثل ما تغير زمانا أبوهاتنا وامهاتنا
بيطلع جيل جديد بس على حسب مانغرس فيهم
من قيم ومبداء واخلاق وتسمكهم بالدين أكثر
مننا لان كلنا مقصرين
بس عيال ابو يعقوب
من باب غرفة العمليات
بيطلع واحد معه كورة قدم
مثل ابوهم خخخخخخخ
ومثل عيال عطيف الي في شباب خخخخخخخخخ
أما البنات على حسب ميلو أمهم
اتمنى ان عيالي
بنات او الوالد يطلعو
أحسن مني بكثييييييييير
بس نفس الطيبة القلب (مداح نفسو) صح
أتعذر
تقبلو
مروري
مااكس

[غربه وشجن]

اقتباس: المشاركة الأصلية كتبت بواسطة جسر التواصل    واللي يطلع شين زي غربة وشجن راح احط في جيبه مخدرات وابلغ عنه الشرطة

يا للحقد ...

لوووووول..لا لا ان شاء الله راح يطلعوا عسووووووووولين زي خالهم

هو مش الخال برضو عنده يد في الجينولوجي حق الاطفال ولا انا غلطان..

هو انت خال على الفاضي.. ما لازم يأخذوا جمال عيونك الحلوات..

( انا مرة قرأت رد احد الاخوات وهي تقول ان جسر التواصل عيونه جميلة.. ما عارف وين العضوة ووين الرد..).. انا ما بفسر وانت ما بتقصر

[Don Pedro]

اقتباس: المشاركة الأصلية كتبت بواسطة B!G ChilD    هههههههههههههههه يا سلام عليك يا بيدرو .. عيشتنا اجواء الابوبة .. اما عيالي ان شاءالله راح يجوا بكاميراتهم الخاصة مو زي ابوهم .. بمواقعه الخاص مالت عليه .. لووول و عقبال ما نشوف مجموعة محللين رياضين بيدروين ينشطوا قسم البساط الاخضر بتغطية كاملة لكل الدوريات الاوروبية و كاس العالم و غيرها ولا عيال شـــوق تلاقيهم محتكرين قسم بوح المشاعر مع عيال بعد اخر و العم شتات و عيال مس تاتو تغطية كاملة لقسم البانوراما اما عيال موني و مس ساهو .. راح يكونوا فريق تطوير المنتدى .. حبيبي بيدرو .. خليتنا نفلت تسلم عالموضوع الخيالي تحياتي لك

هلا وغلا .......بيغي

ههههههه.........اكيد مايحتاج .......عيالك راح ياخدوا الصور الطبيعية بأنفسهم ....يعني ماحيجوا زينا ويقولوا ..ياليتنا نروح المكان الفلاني ...لانهم هما اللي بيكونوا يلتقطوا الصور اصلا.....ويمكن كمان يحنوا عليك ..وياخدوك معاهم

اما عيالي ...فزي ماقلت ....الماشي اليومين دول الكورة.......ونخليه يحفظ كم كلمة من اللي يقولوها طارق دياب ..والاخضر ....وخلاص يصير راسه براسهم .....ويصير محلل زيهم ...في الجزيرة

وابشروا كلكم من الان باشتراكات الجزيرة كلها مجانا

ومن جد بعد اخر وشتات .وشوق .حايكون ابنائهم ملوووك الكلمة والبيان

مس تاتو ..عيالها حايمسكوا برنامج سكووووب ..حق الام بي سي.بعد وفاة ريا ابي راشد

موني ومس ساهو .....عيالهم حايكونوا روح المنتدى


تحياتي القلبية لك .....ياعسل

[Don Pedro]

اقتباس: المشاركة الأصلية كتبت بواسطة الدلع طبعي    هههه انأ اتوقع ان ماحد ‏ رح ‏ يدخل ‏ منتديا‏ت‏↳‏ اذا الحين الناس طايحين ع الفيس بوك‏↳‏ وغيره اجل كيف بعد عشرين سنه

اهلييييييين ...بالدلع طبعها

اممممم.....والله كلامك مزبوووط.......ويمكن يضحكوا علينا ..ويقولوا ...شوفوا كيف اباءنا كانوا فرحانين بالمنتديات ....ومبسوطين ..
.زي ما احنا صرنا الحين ضحك على ايام زمان ...ايام ....ماكانت الناس مبسوطة وفرحانة لما يكون عندهم ( الانتل )....اللي يجيب القنوات المصرية الاولى والثانية ..بس...

شكراااااااا لكي على المرور

[Don Pedro]

اقتباس: المشاركة الأصلية كتبت بواسطة غربه وشجن    ::::::::::::: صباح اطفال المنتدى يا مان أما عيالنا في المنتدى.. والله يا بي كوووووووووول.. الزمن داك إذا الله حيانا المنتديات دي حتكون دقة قديمة.. يعني بالعربي كدة.. الجيل الجديد الي يجي بعدنا ان شاء الله راح يتحرر من عقدة التخفي وراء الاسماء المستعارة وحيكونوا بالصورة الحية عبر الوسائط االرقمية.. وكما 3d هههههههههه فالبتالي المنتديات بشكلها الحالي..ما راح تناسب مزاجهم .. عيالي انا..اهم شيء.. إن شاء الله ما راح يكونوا عايشين في غربة ولا بيعانوا من شجن حيكونوا متواصليين مع العالم من جبال (ماي قندي) بضواحي صنعفي ولو العيال فيها الخير... يمكن يستضيفونا في منتدياتهم الرقمية عشان نحكي عن التاريخ.. للتدوين والتوثيق وكدة كدة كفايا يا دوووووووون عشان ما نشطح بيكم كتير ونكب احلامنا كلها شكرا على اللطافة والظرافة يا زول يا قيافة

مساء النور والسرور ....غربة باشا

اي والله ....ماحيكون في اسماء مستعارة لا دون بيدرو ...ولا غربة وشجن .....و كمان كل واحد يدخل بصورته الحقيقية ..بدل الصور الخٌداعة ......وبالمرة كمان يكتبوا تحت الصورة رقم الجواز

وربنا يسمع منك كده.....وتنتهي الغربة ...وتنتهي ال 2% ....ويصير التواصل بينهم ..عبر الوطن ....

بس مش عارف ..مااظن انهم راح يستضيفونا .. في البتاعات الرقمية حقهم....حايقولوا علينا دقة قديمة .. وشديدين ..ومش كوول خالص.....حتى لو قلنا لهم ..اننا كنا على الموضة ..وعلى سنقة عشرة ....

تحياتي لك ..ياغالي ..ومشكورين على اللطافة والظرافة ياحلو

[Don Pedro]

اقتباس: المشاركة الأصلية كتبت بواسطة شـــوق    دون بيدروو ماشالله ايش هالروقااان وهالمواضيع الحلوه اولا المنتدى رح يكون مرئي ومسموع وعلى درجه عاليه من التطور مش كتابي زي حالتنا والأطفال بيكونوا كمان متطورين ومثقفين جدا ثانيا اعتقد اطفالي - بعد عمري حبايب قلبي فديتهم - رح يكونوا مبدعيييين و موجودين في كل قسم من اقسام فيوري لأن كل طفل فيهم بيكون له ميوله وقسمه الخاص المحبب لقلبه اللي في بوح المشاعر الي في رياض الإسلام اللي في البساط الأخضر اللي بتكون في عالم المرأه اللي له في النقاشات وكمان بنفس الوقت رح يكونوا ماخذين مني حب التنوع وحب الإستطلاع ومحاولة الإبحار في كل الأقسام اللي في المنتدى عشان كذا بتلاقهم ناطين لعيالك في كل قسم ههههههههه اطفالك يا دون احس بيكونو على قدر كبير من الثقافه فيهم اللي بيكون روائي وبتاع قصص بوليسيه فيهم اللي بيكون مؤرخ في المنتدى يحكي عن التاريخ اطفال عشووووووووقه مايبيبلها بيكونوا اصحاب المنتدى وارثينه من امهم وبيكونوا ليومك هذاك يقهرون عيال الأعداء والحساااد اطفال بيق تشايلد احسهم بيكونوا لطااف كوول رايقين وايزي قوينق مره اطفال موني مووووون شعنونيييييين مرره اشقياااااااااااء ومشجعين لأسبانيا ممككن نشوفهم مسوين صرعات في اشكالهم اطفال فالنتينو بيكونوا صياع المنتدى ههههههههه اطفال ابو يعقوووب كلهم كلجات واكشناتهم ما تخلص بس طيوبييييييييين واحسهم وما بيكون لهم في الصرعاااات اطفال اريتريه وافتخر كتاااب من الطراز الرفيع وبنوتات شيك وكلاااس بس شقاااااااااااوه بنفس الوقت اطفال جسر التواصل بيكونوا اصحاب شخصيه على ان عمرهم صغير بس رح يكون عقلهم كبير وملابسهم اكبر من عمرهم يعني قمايص وبنطلونات اطفال غربه وشجن نفس ملابس عيال جسر التواصل بس عاد القمايص بره لأنه لسه باقي فيهم اثر تربية ابوهم في السودان هههههههههه بيكون فيهم عاطفه جياشه بس بيحبو يتناقروا مع عيال جسر التواصل اطفال حنين هذول حسبة عيالي فديتهم احسهم بيكونوا متمردين في بروود عندهم مواهب رائعه وطاقة تحمل بس بنفس الوقت احيااان مفهين عمو شتات عياله بيكونوا زيه طيبه واخلاق وسمووموهبه فذه واحسهم بيكونوا محط احترام وتقدير في المنتدى لأن شتات ابوهم قبل اي شيء اخر كفايه كذا الباقي بعديــــــــــن

اهليييين وسهلييين ......شوق ...نورتي ....

بس ماشاء الله ..عليكي ..ماسبتي احد ....يعطيكي العافية ..

وطلعتي خطيرة في حكاية التخيلات ..بس لسه منتظرين منك البقية الباقية


وعيالك ماشاء الله وزعتيهم على كل الاقسام ...وكوشوا على المكان كله .طب عيالي انا وييين اوديهم.
وانا متاكد ان عيالك ....لن يقلوا عنكي ...ادبا وعلما وثقافة ورقيا ولطافة وظرافة


عيالي ..اتمنى انهم يكونوا زي ماقلتي ( من بؤك لباب السما )....

ابناء عاشقة ...راح يكونوا صمام الامان .....عقل وحكمة وادب..وراح يقولو ( عجيبتو )


ابناء بيغي مايحتاج .....الابتسامة دايما على الوجه ...والاخلاق دوووم رياضية




والقائمة تطووووووول...بس لسه راجعين


تسلمي شوق ويعطيكي العوافي

[Don Pedro]

بو يعقوب ...مرررررحبا .....

منتظرين عودتك مع الخيالات ..والاكشنات



كذابة بس جذابة ......اكيييييد مايحتاج تسألي ....اكيد محسوبين ......انتي بس عطينا التخيلاات والاكشنات ...